യുവാവിനെ ക്രൂരമായി പിറ്റ്ബുള്‍ നായ ആക്രമിച്ച സംഭവത്തില്‍ ഉടമയെ അറസ്റ്റ് ചെയ്ത പൊലീസ്. ഗണേശ്ഗിരി പുല്ലാട്ടുപറമ്ബില്‍ സ്റ്റീഫനെയാണ് പൊലീസ് അറസ്റ്റ് ചെയ്തത്.
ഷൊര്‍ണ്ണൂര്‍ പാലക്കാട് ഷൊര്‍ണ്ണൂര്‍ പരുത്തിപ്രയില്‍ വീട്ടില്‍ വളര്‍ത്തുന്ന പിറ്റ്ബുള്‍ നായയാണ് യുവാവിനെ ആക്രമിച്ചത്. നായയുടെ ആക്രമണത്തില്‍ യുവാവിന് ഗുരുതരമായി പരിക്കേറ്റു.
അക്രമസ്വഭാവമുള്ള നായ്‌ക്കളെ അശ്രദ്ധയോടെ കൈകാര്യം ചെയ്തെന്ന കുറ്റംചുമത്തിയാണ് അറസ്റ്റ്. കഴിഞ്ഞ ചൊവ്വാഴ്ച രാവിലെയാണ് പരുത്തിപ്ര പുത്തൻപുരയ്‌ക്കല്‍ മഹേഷിനെ സ്റ്റീഫൻ വളര്‍ത്തുന്ന ‘പിറ്റ്ബുള്‍’ ഇനം നായ്‌ക്കള്‍ ആക്രമിച്ചത്. ശരീരത്തിലാകമാനം നായ്‌ക്കള്‍ കടിച്ച്‌ പരിക്കേല്‍പ്പിക്കുകയായിരുന്നു. ചെവി അറ്റ്, ചുണ്ടും മൂക്കും രണ്ടായി മുറിഞ്ഞ നിലയിലാണ് മഹേഷിനെ ആശുപത്രിയിലെത്തിച്ചത്.
