പുലി ചത്തത് തലയ്ക്കേറ്റ ക്ഷതം മൂലം
മ
അട്ടപ്പാടി ഭവാനി പുഴയിൽ ചത്തനിലയിൽ കണ്ടെത്തിയ പുലിയുടെ മരണം തലയ്ക്ക് ഏറ്റ ക്ഷതം മൂലമെന്ന് പോസ്റ്റ്മാർട്ടം റിപ്പോർട്ട്. പുഴയിൽ വീഴും മുമ്പ് മരിച്ചതായും പിൻകാലുകൾക്ക് ഒടിവുള്ളതായും കണ്ടെത്തിയിട്ടുണ്ട്.
അട്ടപ്പാടി ഭവാനി പുഴയിൽ ചിണ്ടക്കി ചെക്ഡാമിന് സമീപം കഴിഞ്ഞ ദിവസം ഉച്ചയോടെയാണ് ഒഴുകി വന്ന നിലയിൽ 10 വയസ്സ് പ്രായമുള്ള ആൺപുലിയുടെ ജഡം കണ്ടെത്തിയത്. പ്രദേശവാസികൾ അറിയിച്ചതിനെ തുടർന്ന് വനം വകുപ്പ് ഉദ്യോഗസ്ഥർ സ്ഥലത്തെത്തി പോസ്റ്റ്മോർട്ടം നടത്തി.
