45.9 ഗ്രാം എം.ഡി.എം.എയുമായി എറണാകുളം, തൃശൂര് സ്വദേശികളായ അഞ്ച് യുവാക്കള് പിടിയില്.
എറണാകുളം കാലടി ചെങ്കല് പടയട്ടി വീട്ടില് അജയ് (23), തൃശൂര് മാടക്കത്തറ ഇടപ്പറമ്ബില് വീട്ടില് അഭിമന്യു (22), കാലടി കിഴക്കനേടത്ത് വീട്ടില് എബിന് (22), കാലടി ചെങ്കല് കൂനത്താന് വീട്ടില് ആല്ബിന് (22), തൃശൂര് പാടൂര് കൊട്ടുക്കല് വീട്ടില് റിസ്വാന് (21) എന്നിവരാണ് ആലത്തൂര് പോലീസിന്റെ പിടിയിലായത്. ആലത്തൂര് പോലീസും ജില്ലാ ലഹരി വിരുദ്ധ സ്ക്വാഡും സംയുക്തമായി നടത്തിയ പരിശോധനയില് ആലത്തൂര് എരിമയൂര് തോട്ടുപാലത്ത് വച്ചാണ് ഇവരെ പിടികൂടിയത്.
ലഹരി കടത്താന് ഉപയോഗിച്ച സ്വിഫ്റ്റ് കാര് പോലീസ് പിടിച്ചെടുത്തു.ബംഗളൂരുവില്നിന്ന് കൊണ്ടുവന്ന ലഹരി മരുന്ന് വില്പ്പനയ്ക്കായി ആലത്തൂരില് എത്തിച്ചപ്പോഴാണ് പോലീസ് പിടിയിലായത്.
