കൈക്കൂലി വാങ്ങിയത് മേലുദ്യോഗസ്ഥരുടെ അറിവോടെ
മേലുദ്യോഗസ്ഥരുടെ അറിവോടെയാണ് താൻ കൈക്കൂലി വാങ്ങിയതെന്ന് കൈക്കൂലിക്കേസിൽ അറസ്റ്റിലായ വില്ലേജ് അസിസ്റ്റന്റ് സുരേഷ് കുമാറിന്റെ മൊഴി. മേലുദ്യോഗസ്ഥർക്കും പങ്ക് നൽകിയിരുന്നു. എന്നാൽ ആരുടേയും പേര് വെളിപ്പെടുത്തിയില്ല.
ആരൊക്കെയെന്ന് ഉറപ്പിക്കാൻ പാലക്കയം വില്ലേജ് ഓഫീസിലെ മറ്റ് ജീവനക്കാരെ ചോദ്യം ചെയ്യും. നേരത്തെ, കൈക്കൂലി വാങ്ങുന്നതിന് മറ്റാരുടെയും സഹായം ലഭിച്ചിട്ടില്ലെന്ന് സുരേഷ് കുമാർ മാധ്യമങ്ങളോട് പറഞ്ഞിരുന്നു. ഏകദേശം ഒന്നര കോടിയോളം രൂപയാണ് ഇയാളുടെ മുറിയിൽ നിന്ന് കണ്ടെത്തിയത്.
