കുഴൽ പണവുമായി ഒരാൾ പിടിയിൽ വാളയറിൽ കുഴൽ പണം കടത്തിയ ഒരാൾ പൊലീസ് പിടിയിലായി. തമിഴ്നാട് ട്രാൻസ്പോർട്ട് ബസിൽ രേഖകളില്ലാതെ കടത്തിയ 33 ലക്ഷം രൂപയുമായി കൊല്ലം കുണ്ടറ സ്വദേശി സംബാജി സട്ടു പാട്ടീലാണ് പിടിയിലായത്.
എക്സൈസ് ചെക്ക് പോസ്റ്റിൽ നടന്ന വാഹന പരിശോധനയിലാണ് ഇയാൾ പിടിയിലായത്. പണം സഹിതം ഇയാളെ വാളയാർ പൊലീസിന് കൈമാറി. പരിശോധനയിൽ എക്സൈസ് ഇൻസ്പെക്ടർ എൻ. രാജേഷ്, പി. ഒ. മാരായ എം. ബി. രാജേഷ് എന്നിവർ പങ്കെടുത്തു.
