.
പാലക്കാട് : കേരള സ്കൂൾ ടീച്ചേഴ്സ് മൂവ്മെന്റ് സംസ്ഥാന ഭാരവാഹികൾക്ക് പാലക്കാട് ജില്ലാ കമ്മറ്റി ഗവ : മൊയിൻസ് സ്കൂളിൽ വെച്ച് സ്വീകരണം നൽകി.
എസ് എസ് എൽ സി, പ്ലസ് ടു ഉന്നത വിജയികളെ പ്രസ്തുത സമ്മേളനത്തിൽ ആദരിച്ചു.
സ്വീകരണ സമ്മേളനം വെൽഫെയർ പാർട്ടി ജില്ലാ പ്രസിഡന്റ് അബുഫൈസൽ ഉദ്ഘാടനം ചെയ്തു.
കേരള അധ്യാപക സംഘടനാ ചരിത്രത്തിലെ പ്രഥമ വനിതാ പ്രസിഡന്റ് സി പി രഹ്ന, സംസ്ഥാന ജനറൽ സെക്രട്ടറി പി എ സലാഹുദ്ധീൻ എന്നിവരെ മെമന്റോ നൽകി സ്വീകരിച്ചു. ജില്ലാ പ്രസിഡന്റ് ഫാറൂഖ് വി ഐ അധ്യക്ഷത വഹിച്ചു.
ജില്ലാ സെക്രട്ടറി ശൈഖ് മുത്തുട്ടി കെ ടി സ്വാഗതവും വൈസ് പ്രസിഡന്റ് സുമയ്യ എം കെ ആശംസയും അറിയിച്ച സമ്മേളനത്തിൽ ട്രഷറർ സിദ്ധീഖ് ടി എ നന്ദി പ്രകാശനം നടത്തി.