ജില്ലാ കലക്ടറും പട്ടികവർഗ്ഗ വകുപ്പ് ഡെപ്യൂട്ടി ഡയറക്ടറും മുരുഗള ഊര് സന്ദർശിക്കും
അട്ടപ്പാടിയിലെ വിദൂര ഗ്രാമമായ മുരുഗള ഊര് (ജൂലൈ 14) ജില്ലാ കലക്ടറും പട്ടികവർഗ്ഗ വകുപ്പ് ഡെപ്യൂട്ടി ഡയറക്ടറും സന്ദർശിക്കും. റിസർവ് വന മേഖലയിലുള്ള ഇവിടേക്ക് റോഡിൽ നിന്ന് ഒന്നര കിലോമീറ്ററിലേറെ നടന്നു വേണം എത്താൻ. കഴിഞ്ഞ ദിവസം മരണപ്പെട്ട കുഞ്ഞിന്റെ മൃതദേഹമായി പിതാവ് ഈ ഊരിലേക്ക് നടന്നു പോയ വാർത്തയുടെ അടിസ്ഥാനത്തിൽ
മന്ത്രി കെ രാധാകൃഷ്ണന്റെ
നിർദേശാനുസരണമാണ് ജില്ലാ കലക്ടർ മൃൺമയി ജോഷിയും ഡെപ്യൂട്ടി ഡയറക്ടർ കെ കൃഷ്ണ പ്രകാശും ഊര് സന്ദർശിക്കുന്നത്. മുക്കാലിയിൽ നിന്നും എട്ട് കിലോമീറ്റർ ദൂരെ തടിക്കുണ്ട് വരെ റോഡുണ്ട്. തുടർന്ന് ഭവാനിപ്പുഴയ്ക്ക് കുറുകെ പട്ടിക വർഗ വകുപ്പ് നിർമിച്ച തൂക്കുപാലം കടന്നു വേണം മുരുഗളയിലെത്താൻ ഇവിടേക്ക് യാത്രാസൗകര്യം ഏർപ്പെടുത്തുന്നത് സംബന്ധിച്ച റിപ്പോർട്ടും മന്ത്രി തേടിയിട്ടുണ്ട്.
