ധോണിയില് പ്രഭാതസവാരിക്കിറങ്ങിയ ആളെ കാട്ടാന ചവിട്ടിക്കൊന്ന സംഭവത്തില് മരിച്ച ശിവരാമന്റെ കുടുംബത്തിന് അഞ്ച് ലക്ഷം രൂപ നഷ്ടപരിഹാരം നല്കാന് തീരുമാനമായി.
ഉദ്യോഗസ്ഥ അനാസ്ഥയാരോപിച്ച് നാട്ടുകാരുടെ പ്രതിഷേധം ശക്തമായതിനെ പശ്ചാത്തലത്തിലാണ് തീരുമാനം. ഡിഎഫ്ഒ ഓഫീസിന് മുന്നില് നാട്ടുകാര് റോഡ് ഉപരോധിച്ചു. നാട്ടുകാരുടെ പ്രതിഷേധം തണുപ്പിക്കാന് അധികൃതര് സ്ഥലത്തെത്തി. സ്ഥലം എംഎല്എ, ആര്ഡിഒ ,ഡിഎഫ്ഒ എന്നിവരുടെ നേതൃത്വത്തില് പ്രതിഷേധക്കാരുമായി ചര്ച്ച നടത്തി. ആനയെ മയക്കുവെടി വെക്കാന് തീരുമാനമായി. പ്രദേശത്ത് പട്രോളിംഗ് ശക്തമാക്കും.
സംഭവത്തില് ഉദ്യോഗസ്ഥര്ക്ക് വീഴ്ചയുണ്ടായോ എന്ന് പരിശോധിക്കുമെന്ന് വനം മന്ത്രി എ കെ.ശശീന്ദ്രന് അറിയിച്ചു. ജില്ലാ കളക്ടറോട് പ്രതിഷേധക്കാരുമായി സംസാരിക്കാന് ആവശ്യപ്പെട്ടതായും വന്ത്രി വ്യക്തമാക്കി.