തങ്കം ആശുപത്രിയില് പ്രസവത്തെ തുടര്ന്ന് അമ്മയും കുഞ്ഞും മരിച്ച സംഭവത്തില് പാലക്കാട് ഡി എം ഒ ആരോഗ്യ മന്ത്രിക്ക് പ്രാഥമിക റിപ്പോര്ട്ട് കൈമാറി.
അമ്മക്കും കുഞ്ഞിനും ലഭിച്ച ചികിത്സ, പരിചരണം തുടങ്ങിയ കാര്യങ്ങളെ കുറിച്ചുള്ള വിവരങ്ങളാണ് നല്കിയത്. കൂടുതല് പരിശോധനകള്ക്ക് ശേഷം വിശദമായ റിപ്പോര്ട്ട് നല്കുമെന്ന് പാലക്കാട് ഡി എം ഒ അറിയിച്ചു.
തങ്കം ആശുപത്രിക്കെതിരെ ക്ലിനിക്കല് എസ്റ്റാബ്ലിഷ്മെന്റ് നിയമ പ്രകാരം നടപടി സ്വീകരിക്കാന് ആരോഗ്യ വകുപ്പ് മന്ത്രി വീണാ ജോര്ജ് നേരത്തെ നിര്ദേശം നല്കിയിരുന്നു.
അമ്മയും കുഞ്ഞും മരിച്ചത് ഏറെ പ്രതിഷേധങ്ങള്ക്ക് വഴിതെളിച്ചിരുന്നു. ഇതിന് പിന്നാലെയാണ് മറ്റൊരു യുവതി കൂടി ചികിത്സാപിഴവിനെ തുടര്ന്ന് മരിച്ചുവെന്നാരോപിച്ച് പാലക്കാട് തങ്കം ആശുപത്രിക്കെതിരെ പരാതിയുണ്ടാത്.