പാലക്കാട് : കേരള ഫെഡറേഷൻ ഓഫ് ദ ബ്ലൈൻഡും പാലക്കാട് എം ഇ എസ് വനിതാ കോളേജും സംയുക്തമായി ഹെല്ലൻ കെല്ലർ ജന്മദിനാഘോഷം സംഘടിപ്പിച്ചു.
പാലക്കാട് എം ഇ എസ് വനിതാ കോളേജ് ഹാളിൽ നടന്ന ആഘോഷ പരിപാടികൾ കെ ശ്രീകണ്ഠൻ എം പി ഉത്ഘാടനം ചെയ്തു.
ഫെഡറേഷൻ ജില്ലാ പ്രസിഡന്റ്‌ കെ എസ് ഹരികുമാർ അധ്യക്ഷത വഹിച്ചു.
എം ഇ എസ് ജില്ലാ സെക്രട്ടറി എ സൈദ് താജുദ്ധീൻ, താലൂക്ക് പ്രസിഡന്റ്‌ എസ് നസീർ, എം ഇ എസ് വനിതാ കോളേജ് പ്രിൻസിപ്പൽ വി സൗമ്യ, മുൻ മുനിസിപ്പൽ കൗൺസിലർ പ്രിയ വെങ്കിട്ടേഷ്, ഫെഡറേഷൻ ജില്ലാ സെക്രട്ടറി എം കെ ഷെരിഫ്, പി പ്രേമ, എം സീനത്ത്, ടി എം സിദ്ധീഖ്, വി എൻ ചന്ദ്രമോഹൻ എന്നിവർ പ്രസംഗിച്ചു.
തുടർന്ന് കാഴ്ചയില്ലാത്തവരുടെ ബ്രയിൽ ബോധവൽക്കരണ പ്രദർശനവും എസ് എസ് ൽ സി, പ്ലസ് ടു പരീക്ഷകളിൽ വിജയിച്ച കാഴ്ച്ച പരിമിതികളുള്ള വിദ്യാർത്ഥികൾക്ക് അവാർഡ് ദാനവും നടത്തി .
