ഒറ്റപ്പാലം: അഖില ഭാരതീയ പൂർവ്വ സൈനിക സേവാ പരിഷത്ത് ഒറ്റപ്പാലം താലൂക്ക് സമിതിയുടെ നേതൃത്വത്തിൽ വിമുക്ത ഭട കുടുംബ സംഗമം 26-06-2022 (ഞായറാഴ്ച) രാവിലെ 09:00 am ന് ഒറ്റപ്പാലം മീറ്റ്ന സീനിയർ ബേസിക് വിദ്യാലയത്തിൽ വെച്ച് നടക്കുന്നു. ചടങ്ങിൽ കേന്ദ്ര പദ്ധതിയായ അഗ്നിപഥ് നെ കുറിച്ച് കേണൽ (റിട്ട:) എ. അച്ചുതൻ ബോധവത്കരണ ക്ലാസ്സ് നയിക്കുന്നതാണ്. ഈ അക്കാദമിക് വർഷത്തിൽ SSLC, +2 എന്നിവയിൽ എല്ലാ വിഷയത്തിലും A+ സഹിതം മികച്ച വിജയം കൈവരിച്ച വിമുക്തഭടന്മാരുടെ കുട്ടികളെയും, സ്തുത്യർഹമായ രാജ്യസേവനം കാഴ്ചവെച്ച സീനിയർ വെറ്ററൻസിനെയും ചടങ്ങിൽ വെച്ച് ആദരിക്കുന്നതാണ്. എല്ലാ വിമുക്ത ഭട കുടുംബാംഗങ്ങളെയും ചടങ്ങിലേയ്ക്ക് ക്ഷണിക്കുന്നതായി ജില്ലാ അദ്ധ്യക്ഷൻ ശ്രീ. എൻ. അജയകുമാർ അറിയിച്ചു.
