മ
മണ്ണാർക്കാട് ബ്ലോക്ക് പഞ്ചായത്ത് പ്രസിഡന്റ് അഡ്വ. സി. കെ ഉമ്മുസൽമയ്ക്കെതിരെ യുഡിഎഫ് കൊണ്ട് വന്ന അവിശ്വാസ പ്രമേയം പാസായി.
രാവിലെ 11 മണിയോടെ ബ്ലോക്ക് പഞ്ചായത്ത് ഹാളിൽ വരണാധികാരിയും ജില്ലാ പഞ്ചായത്ത് സെക്രട്ടറിയുമായ എം രാമൻകുട്ടിയുടെ അധ്യക്ഷതയിൽ ചേർന്ന യോഗത്തിൽ യുഡിഎഫിലെ 11 അംഗങ്ങളും അവിശ്വാസത്തെ അനുകൂലിച്ചു. എൽഡിഎഫിലെ അഞ്ച് അംഗങ്ങൾ എതിർത്തു. പ്രസിഡന്റ് സി കെ ഉമ്മുസൽമ പങ്കെടുത്തില്ല. വൈകിയെത്തിയതിനാൽ സിപിഐയിലെ ഓമനാ രാമചന്ദ്രന് പങ്കെടുക്കാനായില്ല.
