റേഷനരി പിടികൂടി
പാലക്കാട്: പാലക്കാട് വാളയാറിൽ അനധികൃത വില്പനയ്ക്കെത്തിച്ച തമിഴ്നാട് റേഷനരി പിടികൂടി. വാളയാർ സ്വദേശി റസാഖിന്റെ വീട്ടിൽ നിന്നാണ് 56 ചാക്ക് അരി പിടിച്ചെത്തത്.
വാളയാറിൽ സ്റ്റാർ കോളനിയിൽ വീടിനോട് ചേർന്നുള്ള ഷെഡിൽ ആയിരുന്നു റേഷൻ അരി സൂക്ഷിച്ചിരുന്നത്. വാളയാർ പൊലീസിന് കിട്ടിയ രഹസ്യ വിവരത്തെ തുടർന്ന് നടത്തിയ പരിശോധനയിൽ ആണ് അരി കണ്ടെത്തിയത്.
റേഷൻ ഇൻസ്പെക്ടർ സ്ഥലത്ത് എത്തി അരി കസഡിയിൽ എടുത്തു.
