പുതുപ്പരിയാരം: കേരള പ്രദേശ് ഗാന്ധിദർശൻ വേദി പുതുപ്പരിയാരം മണ്ഡലം കമ്മിറ്റിയും ആതുരസേവന സഹായ സൗഹാർദ്ദ സമിതിയും ട്രിനിറ്റി കണ്ണാശുപത്രിയും സംയുക്തമായി ചേർന്ന് സൗജന്യ നേത്ര, ദന്ത, ഓർത്തോ, ജനറൽ വൈദ്യ പരിശോധനാ ക്യാമ്പ് സംഘടിപ്പിച്ചു. അത്യാവശ്യം വേണ്ട മരുന്നുകൾ ക്യാമ്പിൽ വെച്ച് സൗജന്യമായി വിതരണം ചെയ്തു.കേരള പ്രദേശ് ഗാന്ധിദർശൻ വേദി പാലക്കാട് ജില്ലാ ചെയർമാൻ പി.പി.വിജയകുമാർ അദ്ധ്യക്ഷത വഹിച്ചു.
ആതുരസേവന സഹായ സൗഹാർദ്ദ സമിതി ജില്ലാ സെക്രട്ടറി ഡോ.ജോർജ്ജ് കുര്യൻ ഉദ്ഘാടനം ചെയ്തു. ഡോ.അശ്വിൻ (കണ്ണ്), ഡോ.ബ്ലസ്സി ഡേവിഡ് (ദന്തം) ഡോ.ജെ.ഷംനാഥ് (ഓർത്തോ) ഗാന്ധി ദർശൻ വേദി ജില്ലാ ജനറൽ സെക്രട്ടറി എ.ശിവരാമകൃഷ്ണൻ, എം.എൻ.സ്വാമിനാഥൻ, സി.എസ്.സജിത, എം.എൻ.അരവിന്ദാക്ഷൻ, കെ.കൃഷ്ണൻകുട്ടി ,മമ്മുട്ടി, സി.സി.സതീഷ്, കെ.എസ്.രമേഷ്, കെ.എം.പ്രീത, സി.രജിത രമേഷ്, പി.എസ്.വൈശാഖ് (ട്രിനിറ്റി ) പി.എസ്.അക്ബർ, ടി.വി.പ്രകാശൻ, എന്നിവർ സംസാരിച്ചു.