പല്ലശ്ശന. കൂടല്ലൂർ ചാട്ടുമുക്ക് നെല്ലുത്പാദക പാടശേഖരസമിതിയുടെ വാർഷിക പൊതുയോഗം കൂടല്ലൂർ പടിഞ്ഞാത്തറ എഴുത്തച്ഛൻ സമുദായ ഹാളിൽവെച്ച് നടന്നു. കഴിഞ്ഞ വർഷം നിര്യാതരായ സമിതിയിൽ അംഗത്വമുണ്ടായിരുന്ന മൂന്ന് കർഷകരുടെ വിയോഗത്തിൽ അനുശോചനം രേഖപ്പെടുത്തി. കൃഷി ഓഫീസർ ശ്രീമതി.മിത്തു ആൻ്റോ, കൃഷി അസിസ്റ്റന്റ് അരുണാദേവി, സമിതി ഭാരവാഹികൾ, വാർഡ് മെമ്പർമാരായ മണികണ്ഠൻ, ശ്രീദേവി എന്നിവർ പൊതുയോഗത്തെ അഭിസംബോധന ചെയ്തു സംസാരിച്ചു.
ചാട്ടുമുക്ക് സമിതിയിലെ 80 കർഷകർക്ക് സമിതിയുടെ തനതു ഫണ്ടിൽനിന്നും 36800/- രൂപ ചെലവഴിച്ച് 80 കൈക്കോട്ട് വിതരണം ചെയ്തു. കൈക്കോട്ട് വിതരണം വാർഡ് മെമ്പർ മണികണ്ഠൻ ഉത്ഘാടനം ചെയ്തു. കാലാവസ്ഥാധിഷ്ഠിത ഇൻഷൂറൻസിനെക്കുറിച്ചുള്ള ചർച്ചാ ക്ലാസ്സ് അഗ്രിക്കൾച്ചറൽ ഇൻഷൂറൻസ് ഫീൽഡ് ഓഫീസർ സുമാവിനോദ് നയിച്ചു. കാർഷിക മേഖലയിലെ വെല്ലുവിളികളും, തരിശുഭൂമികൾ മൂലം കർഷകർ നേരിടുന്ന വിഷമതകളും പൊതുയോഗത്തിൽ ചർച്ചാവിഷയമായി. ചാട്ടുമുക്ക് സമിതിയിലേക്ക് പുതിയ ഭാരവാഹികളെ തിരഞ്ഞെടുത്തു.
(വാർത്ത. രാമദാസ് ജി കൂടല്ലൂർ)