ടാലന്റ്സ് ഫുട്ബോൾ അക്കാദമി അഖിലേന്ത്യ അന്തർസർവകലാശാല ഫുട്ബോൾ ചാന്പ്യൻഷിപ്പ് നേടിയ കാലിക്കറ്റ് യൂണിവേഴ്സിറ്റി ടീമംഗവും മുൻ ഇന്ത്യൻ സ്കൂൾ ഫുട്ബോൾ ടീം അംഗവും ഇംഗ്ലണ്ടിൽ നടക്കുന്ന ന്യൂ ജനറേഷൻ കപ്പ് ഫുട്ബോൾ ടൂർണമെന്റിൽ കളിക്കുവാൻ അർഹത നേടിയ കേരള ബ്ലാസ്റ്റേഴ്സ് ടീം അംഗവുമായ വിക്ടോറിയ കോളജ് ഫുട്ബോൾ താരം തേജസ് കൃഷ്ണയെ ആദരിച്ചു. അക്കാദമി പ്രസിഡന്റ് ഡോ പി.കെ. രാജഗോപാൽ അധ്യക്ഷത വഹിച്ചു.
ജില്ലാ സ്പോർട്സ് കൗണ്സിൽ സെക്രട്ടറി എ. ഉല്ലാസ്, ഗവ. വിക്ടോറിയ കോളജ് പ്രിൻസിപ്പാൾ ഡോ. മേഴ്സി ജോസഫ് മുഖ്യാതിഥികളായി. അക്കാദമി ഭാരവാഹികളായ പ്രൊഫ.എം.സി. രാധാകൃഷ്ണൻ, വർക്കിംഗ് പ്രസിഡന്റ് കെ.എസ്. സുധീർ, വൈസ് പ്രസിഡന്റ് നിഖിൽ കൊടിയത്തൂർ, ചീഫ് കോച്ച് ദേവദാസ്, ഗവ വിക്ടോറിയ കോളജ് കായിക വിഭാഗം മേധാവി ഡോ.സി. രാജേഷ്, പാർത്ഥസാരഥി സംസാരിച്ചു. അക്കാദമി സെക്രട്ടറി പി.കെ. രാജീവ് സ്വാഗതവും ജോ.സെക്രട്ടറി എം. ഭവദാസ് നന്ദിയും പറഞ്ഞു