ശ്രീകൃഷ്ണപുരം: പോസ്റ്റൽ ഡിപ്പാർട്ട്മെൻ്റ് ഉൾപ്പെടെ, ബാക്കിയുള്ള പൊതുമേഖലാ സ്ഥാപനങ്ങൾ കൂടി, വില്പന നടത്താനുള്ള മോദീ സർക്കാറിൻ്റെ തീരുമാനം പിൻവലിക്കണമെന്ന് കേരളാ പ്രദേശ് ഗാന്ധിദർശൻ വേദി ഒറ്റപ്പാലം നിയോജക മണ്ഡലം കമ്മിറ്റി യോഗം ആവശ്യപ്പെട്ടു. നിയന്ത്രണമില്ലാതെ പബ്ബുകളും, ബാറുകളും, ഡിസ്റ്റലറ്റികളും, അനുവദിക്കുന്ന പിണറായി സർക്കാറിൻ്റെ മദ്യനയം ഭാവി തലമുറക്ക് ഭീഷണിയാണെന്നും, തീരുമാനങ്ങൾ തിരുത്തണമെന്നും, ജീവനക്കാരുടെ ശമ്പളം പോലും മുടങ്ങിയ സാഹചര്യത്തിൽ സർക്കാറിൻ്റെ വാർഷിക മാമാങ്ക ധൂർത്ത് അവസാനിപ്പിക്കണമെന്നും യോഗം സംസ്ഥാന സർക്കാറിനോട് ആവശ്യപ്പെട്ടു.
മണ്ഡലം കമ്മിറ്റികൾ രൂപീകരിക്കുവാനും, ജീവ കാരുണ്യ പ്രവർത്തനങ്ങൾ
ക്ക് മുൻതൂക്കം കൊടുത്തു കൊണ്ടു് ഗാന്ധിദർശൻ വേദി കമ്മിറ്റികൾ പ്രവർത്തിക്കാനും തീരുമാനിച്ചു. യോഗം കേരളാ പ്രദേശ് ഗാന്ധിദർശൻ വേദി പാലക്കാട് ജില്ലാ ചെയർമാൻ പി.പി.വിജയകുമാർ ഉദ്ഘാടനം ചെയ്തു. നിയോജക മണ്ഡലം ചെയർമാൻ പി.സി.കുഞ്ഞിരാമൻ അദ്ധ്യക്ഷത വഹിച്ചു. നിയോജക മണ്ഡലം സെക്രട്ടറി മനോജ് ആറ്റാശ്ശേരി, കെ.രാജൻ, എസ്. ശോഭന, കെ.അസ്സനാർ, പി.ടി. ചാമു, സി.കെ.മുഹമ്മദ്, പി.പി.നസ്സീർഹുസൈൻ,
പി.സി.അജയദേവ് എന്നിവർ സംസാരിച്ചു.