പാലക്കാട്: സിറ്റി ഈദ്ഗാഹ് കമ്മിറ്റി പാലക്കാട് ടൗണിലെ മിഷ്യൻ സ്കൂൾ ഗ്രൗണ്ടിൽ ഈദ്ഗാഹ് സംഘടിപ്പിച്ചു.
യുവപണ്ഡിതനും വാഗ്മിയും പുതുപ്പള്ളിത്തെരുവ് മസ്ജിദുൽ ഹുദാ ഖത്തീബുമായ ബഷീർ ഹസൻ നദ് വി നേതൃത്വം നൽകി.
‘നാടിൻ്റെ സമാധാനത്തിനും ഐക്യത്തിനും വേണ്ടി വിശ്വാസികൾ മുന്നിട്ടിറങ്ങണമെന്നും
മാനവിക സാഹോദര്യം ഉയർത്തിപ്പിടിക്കണമെന്നും അദ്ദേഹം പറഞ്ഞു.
ആഘോഷങ്ങളുടെ ആത്മാവിനെ തിരിച്ചുപിടിക്കാനും
വ്രതാനുഷ്ഠാനത്തിലൂടെ നേടിയെടുത്ത ജീവിത വിശുദ്ധി വരും കാലങ്ങളിൽ മുറുകെ പിടിക്കാനും വിശ്വാസികൾക്ക് കഴിയണം. വംശീയതക്കും വർഗീയതക്കുമെതിരെ ഐക്യപ്പെടണം. വെറുപ്പിൻ്റെയും വിദ്വേഷത്തിൻ്റെയും വക്താക്കളെ തിരിച്ചറിഞ്ഞ് ഒറ്റപ്പെടുത്താൻ സാധിക്കണം. ‘പ്രിയപ്പെട്ട നമ്മുടെ നാടിൻ്റെ നന്മക്കായ് രംഗത്തിറങ്ങണമെന്നും
പ്രയാസപ്പെടുന്നവരെ ചേർത്തു പിടിക്കാൻ കഴിയണമെന്നും അദ്ദേഹം പറഞ്ഞു.
നമസ്കാര ശേഷം ഈദ്ഗാഹിൽ പങ്കെടുത്തവർ പരസ്പരം ആശംസകൾ നേർന്നും മധുരം നൽകിയും ഈദ് സന്തോഷം പങ്കുവെച്ചു.
