ഒ
ശ്രീനിവാസൻ വധക്കേസിൽ രണ്ടു പേർ കൂടി പിടിയിൽ.
ഗൂഢാലോചനയിൽ പങ്കെടുത്തവരിൽ രണ്ട് പേരാണ് പിടിയിലായത്. ഇവരുടെ അറസ്റ്റ് ഇന്നുണ്ടായേക്കും എന്നാണ് സൂചന. വധക്കേസിൽ അക്രമി സംഘം സഞ്ചരിച്ച വാഹനങ്ങളിലൊന്ന് കണ്ടെത്തിയെന്നും സൂചന ലഭിക്കുന്നുണ്ട്.
ശ്രീനിവാസന്റെ കൊലപാതകത്തിൽ അന്വേഷണം ഊർജിതമായി തുടരുകയാണ്. പ്രതികളെ കുറിച്ച് കൃത്യമായ സൂചന ലഭിച്ചെന്ന് പൊലീസ് ഇതിനേടകം തന്നെ വ്യക്തമാക്കിയിട്ടുണ്ട്. കേസിൽ നിലവിൽ പന്ത്രണ്ട് പ്രതികളാണ് ഒളിവിലുള്ളത്.
കൃത്യത്തിൽ നേരിട്ട് പങ്കെടുത്ത നാലുപേർ ഇതുവരെ പിടിയിലായിട്ടുണ്ട്. ഇന്ന് അറസ്റ്റിലായ രണ്ട് പ്രതികളെ കോടതിയിൽ ഹാജരാക്കും. പ്രതികളെ കസ്റ്റഡിയിൽ വിട്ടുകിട്ടണമെന്ന് പൊലീസ് ആവശ്യപ്പെട്ടേക്കും.
