ബിലാല്, റിസ്വാന്, റിയാസ്ഖാന്, സഹദ് എന്നിവരാണ് സൗത്ത് പൊലീസിന്റെ പിടിയിലായത്.
സഹായം ചെയ്തവരാണ് ഇപ്പോള് പിടിയിലായിരിക്കുന്നത്. കൊല്ലപ്പെട്ട എസ്ഡിപിഐ പ്രവര്ത്തകര് സുബൈറിന്റെ മൃതദേഹം ജില്ലാ ആശുപത്രിയില് പോസ്റ്റ് മോര്ട്ടത്തിന് എത്തിച്ചപ്പോള് പ്രതികള് അവിടെ എത്തിയിരുന്നു. മോര്ച്ചറിക്ക് സമീപമുള്ള ഗ്രൗണ്ടില്വച്ചാണ് ശ്രീനിവാസനെ കൊലപ്പെടുത്താന് ഗൂഢാലോചന നടത്തിയത്.
ആറുപേര് രണ്ട് ബൈക്കുകളിലായി മേലാമുറിയില് എത്തുകയും മൂന്നുപേര് ശ്രീനിവാസനെ കടയില് കയറി വെട്ടുകയുമായിരുന്നു. കൊലപാതകത്തിന് ശേഷവും പ്രതികള് ജില്ലാ ആശുപത്രിയില് എത്തിയിരുന്നു. മൊബൈല് ഫോണ് കേന്ദ്രീകരിച്ചും ഫോണ് വിളികള് നീരീക്ഷിച്ചുമാണ് പ്രതികളിലേക്ക് എത്തിയത്. മറ്റുള്ളവര്ക്കായി അന്വേഷണം ഊര്ജ്ജിതമാക്കിയതായി എഡിജിപി വിജയ് സാഖറെ മാധ്യമങ്ങളെ അറിയിച്ചു.
