ഒലവക്കോ ട് : ഗോഡൗണുമായി ബന്ധപ്പെട്ട് പ്രവർത്തിക്കുന്ന ലോറി തൊഴിലാളികളുടെ പ്രശ്നത്തിന് അടിയന്തര പരിഹാരമുണ്ടാക്കണമെന്ന് മോട്ടോർ തൊഴിലാളി യൂണിയൻ സിഐടിയു ജില്ലാ കമ്മിറ്റി ആവശ്യപ്പെട്ടു.
അന്യായമായി തൊഴിൽ നിഷേധിച്ചതിനെ തുടർന്ന് ഒരാഴ്ചയായി തൊഴിലാളികൾ സമരത്തിലാണ്. അവരുടെ തൊഴിൽ സംരക്ഷിച്ച് പ്രശ്നം ഉടൻ പരിഹരിക്കണം.
നിലവിലുള്ള തൊഴിലാളികളുടെ വാഹനങ്ങൾ ഒഴിവാക്കി പുതിയ കരാറുകാരൻ സ്വന്തം വാഹനങ്ങളും വാടകയ്ക്കെടുത്ത വാഹനങ്ങളും ഉപയോഗിച്ച് ഭക്ഷ്യ കടത്തിന് ശ്രമിച്ചതാണ് പ്രശ്നത്തിന് കാരണം. ഈ അവസ്ഥ തുടർന്നാൽ ജില്ലയിലെ റേഷൻ വിതരണം മുടങ്ങും. അധികൃതർ അടിയന്തരമായി ഇടപെടണമെന്നും ആവശ്യപ്പെട്ടു.
