കുരുത്തോലകൾ കരുത്തോലകളാണ്: ഫാ.ആൻസൻ മേച്ചേരി.

മലമ്പുഴ: കുരുത്തോലകൾ നമ്മുടെ ജീവിതത്തിൻ്റെ കരുത്തോലകളാണെന്നും യേശുവിനെ ചേർത്തു പിടിച്ച് നമ്മൾ ജീവിച്ചാൽ എല്ലാ സാഹചര്യങ്ങളിലും കർത്താവ് നമ്മെ ചേർത്തു പിടിച്ച് സംരക്ഷിക്കുമെന്നും വീടുകളിലും സ്ഥാപനങ്ങളിലും കുരുത്തോല സ്ഥാപിച്ച് കർത്താവിൻ്റെ സംരക്ഷണം ഉറപ്പാക്കണമെന്നും മലമ്പുഴ സെൻ്റ് ജൂഡ്സ് പള്ളി വികാരി ഫാ: ആൻസൻ മേച്ചേരി പറഞ്ഞു.
ഓശാന ഞായറിൻ്റെ തിരുകർമ്മങ്ങളിൽ മുഖ്യ കാർമ്മീകത്വം വഹിച്ചുകൊണ്ട് സന്ദേശം നൽകുകയായിരുന്നു ഫാ.ആൻസൻ മേച്ചേരി.
വിനീതരിൽ വിനീതനായി കഴുത പുറത്ത് കേറി ജറു സേലം വീഥിയിലൂടെ സഞ്ചരിച്ച കർത്താവിനെ വഴിയിൽ വസ്ത്രങ്ങൾ വിരിച്ചും മര ചില്ലകൾ വിതറിയും സ്വീകരിച്ചാനയിച്ചതു പോലെ നമ്മൾ നമ്മുടെ ഹൃദയത്തിലേക്കും ജീവിതത്തിലേക്കും കർത്താവിനെ ആനയിച്ചുകൊണ്ടുവരണമെന്നും അച്ചൻ പറഞ്ഞു.
കുരുത്തോല വെഞ്ചിരിച്ച് വിശ്വാസികൾക്കു നൽകിയ ശേഷം നടന്ന കൂരുത്തോല പ്രദിക്ഷണം പള്ളിക്കു മുന്നിലെ കപ്പേള ചുറ്റി പള്ളിയിലെത്തിയ ശേഷമായിരുന്നു തുടർന്നുള്ള തിരുകർമ്മങ്ങൾ നടന്നത്.