അശരണർക്ക് കൈത്താങ്ങായി നാലാമത് വീടിന് തറക്കല്ലിട്ടു കൊണ്ട് ബി എസ് എസ് ഹോപ്പ് ഫൗണ്ടേഷൻ ജൈത്രയാത്ര തുടരുന്നു.
(വാർത്ത. രാമദാസ്. ജി. കൂടല്ലൂർ.)
ആലത്തൂർ. ബി എസ് എസ് ഗുരുകുലം സ്കൂളിലെ ജീവകാരുണ്യ സാമൂഹിക ഉന്നമന സംഘടനയായ ഹോപ്പിൻ്റെ നേതൃത്വത്തിൽ സ്കൂൾ സ്ഥാപകനായ സ്വാമി നിർമ്മലാനന്ദ യോഗിയുടെ നാമധേയത്തിൽ പാലക്കാട് ജില്ലയിലെ അർഹരായ നൂറ് കുടുംബങ്ങൾക്ക് വീട് വെച്ച് നൽകുന്ന നിർമ്മൽ ഭവനപദ്ധതിയിലെ നാലാമത് നിർമ്മൽ ഭവനത്തിന് ആലത്തൂർ കാട്ടുശേരിയിൽ തറക്കല്ലിട്ടു. കാട്ടുശേരി സ്വദേശിനി സജിതയ്ക്കാണ് നിർമ്മൽ ഭവനം നിർമ്മിച്ച് നൽകുന്നത്. ആലത്തൂർ ആർ. കൃഷ്ണൻ സ്മാരകനിർമ്മാണവുമായി ബന്ധപ്പെട്ട ഭവനപദ്ധതിയുമായി സഹകരിച്ചാണ് സജിതയ്ക്ക് വീടൊരുക്കി നൽകുന്നത്. ആലത്തൂർ എം എൽ എ. കെ. ഡി.പ്രസേനൻ ഉദ്ഘാടനം ചെയ്ത തറക്കല്ലിടൽ ചടങ്ങിൽ ബി എസ് എസ് എഡ്യുക്കേഷനൽ സൊസൈറ്റി പ്രസിഡൻ്റ് സി. ബാലചന്ദ്രൻ, ബി എസ് എസ് ഗുരുകുലം ഹയർ സെക്കൻഡറി സ്കൂൾ പ്രിൻസിപ്പൽ ഡോക്ടർ. വിജയൻ വി. ആനന്ദ് , കെഎസ്ടിഎ മുൻ സംസ്ഥാന പ്രസിഡൻ്റ് വേണുഗോപാലൻ മാസ്റ്റർ തുടങ്ങിയവർ സംസാരിച്ചു. ആദ്യ രണ്ട് നിർമ്മൽ ഭവനങ്ങളുടെ താക്കോൽദാനം പുതുവർഷദിനത്തിൽ നടത്തിയിരുന്നു. മൂന്നാമത് നിർമ്മൽഭവനത്തിൻ്റെ നിർമ്മാണം പല്ലാവൂരിൽ പുരോഗമിക്കുകയാണ്.
