പത്തിരിപ്പാല: രണ്ട് ദിവസമായി മൗണ്ട്സീന കാമ്പസിൽ ഐ.ആർ.ഡബ്ല്യു കേരള സംഘടിപ്പിച്ച സംസ്ഥാനതല വളണ്ടിയർ ട്രെയ്നിങ് ക്യാമ്പ് സമാപിച്ചു.
ദുരന്തനിവാരണ മേഖലയിൽ ആവശ്യം വരുന്ന ഫസ്റ്റ് എയ്ഡ്, കെട്ടുകൾ, എർത്ത് വർക്ക്, വെയ്റ്റ് ലിഫ്റ്റിങ്, ടെന്റ് നിർമാണം, ഫ്ളോട്ടിങ് എയ്ഡ്സ്, സ്ട്രെച്ചർ നിർമാണം, ഷിഫ്റ്റിങ് മെതേഡ്സ്, മൃതദേഹ സംസ്കരണം തുടങ്ങി വിവിധ ട്രെയ്ഡുകളിൽ പരിശീലന പരിപാടികളാണ് ക്യാമ്പിന്റെ ഭാഗമായി നടന്നത്. ക്യാമ്പ് കൺവീനർ കെ. ജാഫർ, അസിസ്റ്റന്റ് കൺവീനർ ടി കെ. ശിഹാബുദ്ദീൻ, ഐ.ആർ.ഡബ്ല്യു. കേരള അസിസ്റ്റന്റ് കൺവീനർ വി.ഐ. ശമീർ, ഗവേണിങ് ബോഡി അംഗം എം.ഇ. നൗഫൽ തുടങ്ങിയവർ പരിശീലനങ്ങൾക്ക് നേതൃത്വം നൽകി.
മുഖ്യരക്ഷാധികാരി എം.ഐ. അബ്ദുൽ അസീസ് ക്യാമ്പ് ഉദ്ഘാടനം ചെയ്തു. ജനറൽ കൺവീനർ ബഷീർ ശർക്കി അധ്യക്ഷനായിരുന്നു. ജനറൽ സെക്രട്ടറി പി.കെ. ആസിഫലി മാസ്റ്റർ സ്വാഗതവും അബ്ദുൽ ഹകീം നദ്വി സമാപന പ്രഭാഷണവും നടത്തി.
ഫോട്ടോ: ഐ.ആർ.ഡബ്ല്യു കേരള പത്തിരിപ്പാല മൗണ്ട് സീനാ കാമ്പസിൽ സംഘടിപ്പിച്ച വളണ്ടിയർ ട്രെയ്നിങ് ക്യാമ്പ് ഉദ്ഘാടനം ചെയ്തുകൊണ്ട് മുഖ്യരക്ഷാധികാരി എം.ഐ. അബ്ദുൽ അസീസ് സംസാരിക്കുന്നു.