കുഴൽമന്ദം: തിരക്കിട്ട ജീവിതത്തിനിടയിൽ, തിരക്കേറിയ റോഡിലൂടെ അപകടകരമായ രീതിയിൽ സഞ്ചരിച്ച വാഹനം. ഇന്നലെ10-03-2022 കാലത്ത് 9:45ന് കുഴൽമന്ദം സിഗ്നലിലൂടെ ഒരു വാതിൽ തുറന്ന് കയറുകൊണ്ട് കെട്ടി ടി.വി.എസ്. എക്സ് എൽ. സൂപ്പർ വണ്ടിയും കയറ്റി പോകുന്ന കാറിനെ കുറെ ആളുകളെങ്കിലും ശ്രദ്ധിച്ചിരിക്കാനിടയുണ്ട്.
ട്രാഫിക് നിയമങ്ങളേയും, നിയമപാലകരേയും അവഗണിച്ചുകൊണ്ട് ഇത്തരത്തിൽ ദേശീയ പാതയിലൂടെയുള്ള യാത്ര ഒരു മഹാദുരന്തത്തിലേക്കുള്ള കാൽവെപ്പ് ആയിക്കൂടെ. ഒരു വണ്ടിവാടക ലാഭിക്കാൻ ചിലർ നടത്തുന്ന സർക്കസ്സുപോലുള്ള സവാരികൾ ഒരുപാട് പേരുടെ ജീവിതത്തിന് മങ്ങലേൽപ്പിക്കാനെങ്കിലും വഴിയൊരുക്കും. ഹൈവേയിൽ സ്ഥാപിച്ചിരിക്കുന്ന കാമറകളും ഈ പ്രയാണത്തിന് സാക്ഷ്യം വഹിക്കുന്നു.