വനിതാദിനത്തിൽ വ്യത്യസ്ത പരിപാടികൾ സംഘടിപ്പിച്ച് പല്ലാവൂർ ഗവ: എൽ.പി.സ്കൂൾ
കഴിഞ്ഞ ഒരു വർഷത്തിനിടക്ക് നമ്മളെ വിട്ടുപിരിഞ്ഞ മഹതികൾക്ക് സ്മരണാഞ്ജലി അർപ്പിച്ച്ഈ വർഷത്തെ വനിതാദിനാഘോഷം വ്യത്യസ്തമാക്കി പല്ലാവൂർ ഗവ: എൽ.പി.സ്കൂൾ.
കെ.ആർ.ഗൗരിയമ്മ, സുഗതകുമാരി, കെ.പി.എ.സി.ലളിത, ലതാ മങ്കേഷ്ക്കർ, ജസ്റ്റിസ് കെ.കെ.ഉഷ എന്നിവർക്കാണ് പ്രണാമം അർപ്പിച്ചത്.
കാൻസർ രോഗത്തോട് പൊരുതി ജീവിത വിജയം നേടിയ പൂർവ്വവിദ്യാർത്ഥിനി രമ്യ തന്റെ അനുഭവങ്ങൾ അമ്മമാരോടും കുട്ടികളോടും അധ്യാപികമാരോടും പങ്കുവെച്ചു. രമ്യയെ വിദ്യാലയം ആദരിച്ചു.
അമ്മമാർക്കായി കലാ-കായിക വിജ്ഞാന മത്സരങ്ങൾ സംഘടിപ്പിച്ചു. നാലാം ക്ലാസ്സിലെ അനഘ, ഐശ്വര്യ എന്നീകുട്ടികളും അമ്മ രഞ്ജിതയും ചേർന്ന് ഗാനാലാപനം നടത്തി.
വനിതാദിനാഘോഷം നെന്മാറ ബ്ലോക്ക് പഞ്ചായത്ത് പ്രസിഡണ്ട് സി.ലീലാമണി ഉദ്ഘാടനം ചെയ്തു. പി ടി എ പ്രസിഡണ്ട് എസ്.ജയ അധ്യക്ഷത വഹിച്ചു. ഹെഡ്മിസ്ട്രസ്സ് ടി.ഇ. ഷൈമ, എസ്.എം.സി. ചെയർമാൻ എ. ഹാറൂൺ, എം.പി.ടി.എ. പ്രസിഡണ്ട് എസ്.സമീന,
പി ടി എ വൈസ് പ്രസിഡണ്ട് മോഹനൻ , എസ്.ആർ.ജി. കൺവീനർ എം. ടിൻറു, ഡി. പ്രിയസൂന, വനിതാ ദിനാഘോഷ കൺവീനർ കെ.ശ്രീജ, എം. പ്രവീണ, ടി.വി. പ്രമീള, കൃഷ്ണപ്രസാദ്, വർഷ ,വൈഷ്ണവി എന്നിവർ സംസാരിച്ചു.