അപകടപരമ്പരസൃഷ്ടിച്ച് പല്ലാവൂർ-കുനിശ്ശേരി റോഡിന്റെ തകർച്ചയും കുഴികളും.
(വാർത്ത. രാമദാസ്. ജി. കൂടല്ലൂർ.)
കുനിശ്ശേരി. പല്ലാവൂർ-കുനിശ്ശേരി റോഡിലെ ശോചനീയാവസ്ഥയെക്കുറിച്ച് സൂചന നൽകി 17-02-2022ന് സായാഹ്നം പത്രത്തിൽ വാർത്ത പ്രസിദ്ധീകരിച്ചിരുന്നു. അമിതഭാരം കയറ്റിയ ടോറസ് ലോറികളും, ജലസേചന സമയത്ത് വയലുകളിലെത്തുന്ന വെള്ളം റോഡിലേക്ക് ഒഴുകിയെത്തുന്നതുംമൂലം രൂപപ്പെട്ട ആഴമേറിയ കുഴികളിൽ വെള്ളം നിറഞ്ഞു നിൽക്കുന്നത് മൂലം ഈഭാഗ കുഴികളെക്കുറിച്ച് അറിവില്ലാത്ത പലരും അപകടത്തിൽപ്പെടുന്നത്. കുടിവെള്ളത്തിനായുള്ള പൈപ്പുകൾ സ്ഥാപിക്കാനായി റോഡിന്റെ ഇരുവശവും കുഴിച്ച ചാലുകളും. ഇതേ റോഡിലൂടെയുള്ള യാത്രക്ക് ഭീഷണി നേരിടുന്ന മറ്റൊരു പ്രധാന കാരണമായി ഏവരും കാണുന്നു. പ്ലാച്ചിക്കാടിനും കുനിശ്ശേരിക്കുമിടയിൽ തകർന്ന റോഡിൽ ഒരു ഭാഗത്തെ കുഴിഅടക്കുവാൻ രണ്ടു ടിപ്പറോളം മെറ്റൽ വേണ്ടി വരും. കുഴികളിൽ കുടുങ്ങി വീണാണ് പലർക്കും അപകടം സംഭവിക്കുന്നത്.