പാലക്കാട് താപനില ഉയരുന്നു

വേനൽ ശക്തിയാകും മുൻപ് തന്നെ പാലക്കാട്ടെ പകൽച്ചൂട് കൂടി. മുണ്ടൂരിൽ അന്തരീക്ഷ താപനില 40 ഡിഗ്രി സെൽഷ്യസ് രേഖപ്പെടുത്തി. തുടർച്ചയായ രണ്ടാംനാളാണ് മുണ്ടൂരിൽ ചൂട് 40 ഡിഗ്രിയിലെത്തുന്നത്. ഇത്തവണ വേനൽമഴയില്ലാതിരുന്നതും അന്തരീക്ഷത്തിലെ ഈർപ്പം കുറഞ്ഞുതുടങ്ങിയതും ചൂട് കൂടാനിടയാക്കിയിട്ടുണ്ട്. രാത്രിയിലെ ചൂടും കൂടിതുടങ്ങിയിട്ടുണ്ട്. കണ്ണുവേദനയും തലവേദനയുമടക്കം ശാരീരിക അസ്വാസ്ഥ്യങ്ങളുണ്ടെന്നും യാത്രക്കാർ പറയുന്നു. വർധിച്ച താപനില കണക്കിലെടുത്ത് ഇതിനകം തൊഴിൽസമയം ക്രമീകരിച്ചിട്ടുണ്ട്.