- ഗാന്ധിദർശൻ വേദി.
രാഷ്ട്രീയ, വർഗ്ഗീയ കൊലപാതകങ്ങൾ, ഗുണ്ടാ അക്രമങ്ങൾ, സ്ത്രീകൾക്കും കുട്ടികൾക്കും നേരെയുള്ള അതിക്രമങ്ങൾ എന്നീ ഹിംസാത്മക പ്രവർത്തനങ്ങളെ ചെറുക്കാനുള്ള ആയുധം ഗാന്ധിമാർഗ്ഗത്തിലൂടെയുള്ള അഹിംസ മാത്രമാണെന്നും, അതിനു വേണ്ടിയുള്ള പ്രവർത്തനങ്ങൾക്ക് നേതൃത്വം നല്കാൻ കേന്ദ്ര സംസ്ഥാന സർക്കാറുകളും, എല്ലാ രാഷ്ട്രീയ പാർട്ടികളും മറ്റു സംഘടനകളും മുന്നിട്ടിറങ്ങണമെന്നും കേരളാ പ്രദേശ് ഗാന്ധിദർശൻ വേദി പാലക്കാട് ജില്ലാ കമ്മിറ്റി യോഗം ആവശ്യപ്പെട്ടു.
നൂറു കണക്കിന് കഥാപാത്രങ്ങളിലൂടെ ഒരോ മലയാളിയുടെ വീട്ടിലും ജീവിച്ച, മലയാള സിനിമ – നാടക രംഗത്ത് 6 പതിറ്റാണ്ടിലേറെ നിറഞ്ഞു നിന്ന കെ.പി.എ.സി.ലതിതയുടെ നിര്യാണത്തിൽ യോഗം അതിയായ ദു:ഖവും അനുശോചനവും രേഖപ്പെടുത്തുകയും അവരുടെ ഓർമ്മകൾക്കു മുമ്പിൽ ആദരാഞ്ജലികൾ അർപ്പിക്കുകയും ചെയ്തു.
മാർച്ച് 8 ന് വനിതാ ഗാന്ധിദർശൻ വേദിയുടെ നേതൃത്വത്തിൽ വനിതാ ദിനം ആചരിക്കാനും, മാർച്ച് 12ന് ഉപ്പുസത്യഗ്രഹത്തിൻ്റെ ഭാഗമായി മഹാത്മജി നടത്തിയ ഐതിഹാസികമായ ദണ്ഡിയാത്രയുടെ അനുസ്മരണം നടത്താനും തീരുമാനിച്ചു.
മാർച്ച് 15-ാം തിയ്യതിക്കകം എല്ലാ നിയോജക മണ്ഡലം കമ്മിറ്റികൾ വിളിച്ചു ചേർക്കാനും, 31-ാം തിയ്യതിക്കകം ജില്ലാ സമ്മേളനം ചേരാനും തീരുമാനിച്ചു.
കേരളാ പ്രദേശ് ഗാന്ധിദർശൻ വേദി പാലക്കാട് ജില്ലാ ചെയർമാൻ പി.പി.വിജയകുമാർ അദ്ധ്യക്ഷത വഹിച്ചു. ജില്ലാ ജനറൽ സെക്രട്ടറി എ.ശിവരാമകൃഷ്ണൻ, എം.വി.ആർ.മേനോൻ, കെ.വി. പുണ്യ കുമാരി, എ.ഗോപിനാഥൻ, ടി.എൻ.ചന്ദ്രൻ , ലക്ഷമി പത്മനാഭൻ , കെ.അജിത, കാരയങ്കാട്ശിവരാമകൃഷ്ണൻ, പി.ശശിശേഖരൻ, എം.ബാലകൃഷ്ണൻ, ടി.യു.മുരളീധരൻ എന്നിവർ പ്രസംഗിച്ചു.