സ്പന്ദനം സാഹിത്യ പുരസ്കാരം രവീന്ദ്രൻ മലയങ്കാവിന്

പാലക്കാട്: കോങ്ങാട് സ്പന്ദനം സാംസ്കാരിക സൗഹൃദ വേദിയുടെ 2021 ലെ സാഹിത്യ പുരസ്കാരത്തിന് പ്രശസ്ത കവി രവീന്ദ്രൻ മലയങ്കാവ് അർഹനായി. അദ്ദേഹത്തിൻ്റെ “മോഷവാതിൽ കടന്ന ഒരാൾ ” എന്ന ഖണ്ഡകാവ്യമാണ് പുരസ്കാരത്തിന് അർഹനാക്കിയത്.
ഡോ: പാർവ്വതീ വാര്യർ ചെയർമാനും ഡോ: ചെത്തക്കാട് വിശ്വനാഥൻ;കണ്ട മുത്തു കന്നി മാരി;ദേവീപ്രസാദ് പീടിയ്ക്കൽ; കൃഷ്ണ എഴക്കാട്; എന്നിവർ അടങ്ങിയ ജൂറിയാണ് അവാർഡ് നിർണ്ണയം നടത്തിയത്.
പതിനായിരത്തി ഒന്ന് രൂപയും ഫലകവും പ്രശസ്തിപത്രവുമടങ്ങുന്ന പുരസ്ക്കാരം 20ന് വൈകീട്ട് 5ന് കോങ്ങാട് ജി.യു.പി.സ്കൂൾ ഓഡിറ്റോറിയത്തിൽ നടത്തുന്ന സാംസ്ക്കാരീ കസമ്മേളനത്തിൽ വെച്ച് ചരിത്ര ഗവേഷകൻ എം.പി.ബാലഗംഗാധരൻ സമ്മാനിക്കുമെന്ന് സ്പന്ദനം ഭാരവാഹികൾ അറിയിച്ചു.