ഗ്രാമീണ യുവാക്കൾക്കായി സൗജന്യ തൊഴിൽ പരിശീലന പരിപാടി ഉദ്ഘാടനം ചെയ്തു.
നെന്മാറ: കേന്ദ്ര സർക്കാർ കാര്യ കായിക വകുപ്പിന് കീഴിലുള്ള നെഹ്റു യുവകേന്ദ്രയുടെയും നെന്മാറ സെന്റർ ഫോർ ലൈഫ് സ്ക്കിൽസ് ലേർണിംഗിന്റെയും നേതൃത്വത്തിൽ ഗ്രാമീണ യുവാക്കൾക്കായി സൗജന്യ തൊഴിൽ പരിശീലന പരിപാടി ഉദ്ഘാടനം ചെയ്തു. ജില്ലയിലെ തിരഞ്ഞെടുക്കപ്പെട്ട 50 യുവതീ യുവാക്കൾക്കാണ് കമ്പ്യൂട്ടർ ടാലി പഠനത്തിന് അവസരമൊരുക്കുന്നത്. വല്ലങ്ങി CLSL ഓഫീസിൽ വച്ചായിരിക്കും മൂന്ന് മാസം ദൈർഘ്യമുള്ള പരിശീലന പരിപാടി സംഘടിപ്പിക്കുക. പരിശീലന പരിപാടിയുടെ ഉദ്ഘാടനം മുൻ ആരോഗ്യ വകുപ്പ് മന്ത്രി വി.സി കബീർ ഉദ്ഘാടനം ചെയ്തു. നെഹ്റു യുവ കേന്ദ്ര ജില്ലാ പ്രോഗ്രാം കോ ഓർഡിനേറ്റർ ബിൻസി . സി അധ്യക്ഷയായിരുന്നു. സി എൽ.എസ്.എൽ. ഡയറക്ടർ അശോക് നെന്മാറ ആമുഖ പ്രഭാഷണം നടത്തി. റോട്ടറി അസിസ്റ്റന്റ് ഗവർണർ എ.എം. രാമകൃഷ്ണൻ , സെക്രട്ടറി കെ. കേശവൻ, എം.വിവേഷ് , ഇരിങ്ങാലക്കുട സെന്റ് ജോസഫ് കോളേജ് സാമൂഹ്യ പ്രവർത്തന വിഭാഗം പ്രതിനിധികളായ മേഘ്ന , നന്ദന നാരായണൻ എന്നിവർ പ്രസംഗിച്ചു.