ഗാന്ധി പ്രതിമ തകർത്തവരെ അറസ്റ്റു ചെയ്യണം: കെ.പി.ജി.ഡി.
മേനോൻ പാറയിലെ ചിറ്റൂർ ഷുഗർ ഫാക്ടറിക്ക് മുമ്പിൽ സ്ഥാപിച്ച ഗാന്ധി പ്രതിമ തകർത്ത സാമൂഹ്യ ദ്രോഹികളെ അറസ്റ്റു ചെയ്ത് നിയമത്തിന് മുമ്പിൽ കൊണ്ടുവരണമെന്ന് കേരളാ പ്രദേശ് ഗാന്ധിദർശൻ വേദി പാലക്കാട് ജില്ലാ കമ്മിററി ആവശ്യപ്പെട്ടു.
രാഷ്ട്രപിതാവിൻ്റെ പ്രഭയും പ്രതാപവും കെടുത്താൻ ആരു ശ്രമിച്ചാലും അത് പതിന്മടങ്ങ് വർദ്ധിക്കുകയേ ഉള്ളുവെന്നും, ലോക രാഷ്ട്രങ്ങൾ അംഗീകരിക്കുന്ന മഹാത്മജിയെ സ്വന്തം നാട്ടിൽ അപമാനിക്കാനും അപകീർത്തിപ്പെടുത്താനും ശ്രമിച്ചാൽ അതു നടക്കില്ലെന്നും, അതിനെതിരെ ശക്തമായ പ്രതിഷേധവുമായി കേരളാ പ്രദേശ് ഗാന്ധിദർശൻ വേദി രംഗത്തുണ്ടാകുമെന്നും ജില്ലാ ചെയർമാൻ പി.പി.വിജയകുമാർ, ജനറൽ സെക്രട്ടറി എ.ശിവരാമകൃഷണൻ, ട്രഷറർ ടി.എൻ.ചന്ദ്രൻ എന്നിവർ അറിയിച്ചു.