ഗാന്ധി പ്രതിമ തകർത്ത സംഭവം… കർശന നടപടി വേണം : സൗഹൃദം ദേശീയ വേദി..
മേനോൻ പാറയിലെ ചിറ്റൂർ ഷുഗർ ഫാക്ടറിക്ക് മുമ്പിൽ സ്ഥാപിച്ച ഗാന്ധി പ്രതിമ തകർത്ത സംഭവം വേദനാജനകമാണെന്നും ഊർജ്ജിതമായ അന്വേഷണം നടത്തി കുറ്റക്കാരെ മാതൃകാപരമായി ശിക്ഷിക്കണമെന്നും സൗഹൃദം ദേശീയ വേദി ആവശ്യപ്പെട്ടു.
രാഷ്ട്രപിതാവിനെ നിന്ദിക്കുകയും അപമാനിക്കുകയും ചെയ്യുന്ന നടപടികൾ രാജ്യത്ത് വർദ്ധിച്ചു വരുന്നത് ആശങ്കാജനകമാണെന്നും പ്രധാനമന്ത്രിയുടെ ആഗോള ഗാന്ധി സ്തുതിയും ഗാന്ധിയൻ പ്രവർത്തനങ്ങളും ആത് മാർത്ഥതയോടെയാണെങ്കിൽ രാഷ്ട്ര പിതാവിനെ അവഹേളിക്കുന്ന നടപടികൾ ഇനിയൊരിക്കലും രാജ്യത്ത് ഉണ്ടാവാതിരിക്കാൻ അതി ശക്തമായ നടപടികൾ കേന്ദ്ര സർക്കാർ സ്വീകരിക്കണം . കേരളത്തിലെ രാഷ്ട്ര വിരുദ്ധ .. തീവ്രവാദ ശക്തികളെ അമർച്ച ചെയ്യാൻ സംസ്ഥാന ആഭ്യന്തര വകുപ്പ് ഉണർന്ന് പ്രവർത്തിക്കണമെന്നും സൗഹൃദം ദേശീയ വേദി പ്രസിഡന്റ് പി. വി. സഹദേവൻ, സെക്രട്ടറി ശ്രീജിത്ത് തച്ചങ്കാട് , ട്രഷറർ കെ. മണികണ്ഠൻ എന്നിവർ ആവശ്യപെട്ടു
