അതിജീവനം NSS സപ്തദിന ക്യാമ്പ് സമാപിച്ചു.
നെന്മാറ:- ഗവൺമെന്റ് ബോയ്സ് ഹയർസെക്കൻഡറി സ്കൂൾ നാഷണൽ സർവ്വീസ് സ്കീം യൂണിറ്റ് 270ൻ്റെ “അതിജീവനം 2021” എന്നപേരിൽ 2021 ഡിസംബർ 27ന് ആരംഭിച്ച സപ്തദിന ക്യാമ്പ് 2022 ജനവരി 2ന് സമാപിച്ചു. PTA പ്രസിഡന്റ് C.B. രവീന്ദ്രൻ അദ്ധ്യക്ഷത വഹിച്ച സമാപന സമ്മേളനം ജില്ലാ പഞ്ചായത്ത് അംഗം R.ചന്ദ്രൻ ഉത്ഘാടനം നിർവ്വഹിച്ചു. പ്രിൻസിപ്പാൾ S. മഹാലിംഗം, PTA വൈസ് പ്രസിഡന്റ് ശ്രീജാഹരിദാസ്, PTA എക്സിക്യൂട്ടീവ് കമ്മിറ്റി അംഗങ്ങളായ മണികണ്ഠൻ,ജിനി എന്നിവരും അദ്ധ്യാപകരായ പ്രദീപ്, രാധ, പ്രോഗ്രാം കോർഡിനേറ്റർ K. മുരളീധരൻ, വളണ്ടിയർ ലീഡർമാർ എന്നിവരും പങ്കെടുത്തു സംസാരിച്ചു.
നാമ്പ് സീഡ്ബാൾ നിർമ്മാണം, ഹരിതഗ്രാമത്തിൽ പച്ചക്കറി തൈകൾ നടീൽ, സ്കൂൾ കാമ്പസിൽ തനതിടം കൃഷിയിടമൊരുക്കൽ, ജീവിത നൈപുണ്യ പരിശീലനം തുടങ്ങി വിവിധ ക്ളാസ്സുകൾ ഈ ക്യാമ്പിന്റെ ഭാഗമായി സംഘടിപ്പിച്ചു.