പാലക്കാട്: ആർ.എസ്.എസ്സിൻ്റെ ക്രിസ്ത്യൻ – മുസ്ലിം – ദലിത് വംശീയ ഉൻമൂലനത്തെ ചെറുക്കുക ‘ എന്ന മുദ്രാവാക്യമുയർത്തി വെൽഫെയർ പാർട്ടിയുടെ നേതൃത്വത്തിൽ പാലക്കാട് നഗരത്തിൽ പന്തം കൊളുത്തി പ്രകടനം നടത്തി.
സംസ്ഥാന കമ്മിറ്റിയംഗം എം.സുലൈമാൻ പ്രതിഷേധയോഗം ഉദ്ഘാടനം ചെയ്തു.
‘സംഘ രാഷ്ട്രത്തിനു വേണ്ടിയുള്ള ആർ.എസ്.എസിൻ്റെ വംശീയ ഉന്മൂലനമാണ് ഇപ്പോൾ ക്രിസ്ത്യൻ – മുസ്ലിം – ദലിത് സമൂഹങ്ങൾക്കു നേരെ നടന്നു കൊണ്ടിരിക്കുന്നതെന്നും ബി.ജെ.പി അധികാരത്തിലുള്ള സംസ്ഥാനങ്ങളിലാണ് ഏറ്റവും കൂടുതൽ ക്രിസ്ത്യൻ വിരുദ്ധ ആക്രമണങ്ങൾ നടന്നിട്ടുള്ളതെന്നും ഇതിനെതിരെ ഭരണ, രാഷ്ടീയ നേതൃത്വങ്ങൾ മൗനം വെടിയണമെന്നും അദ്ദേഹം പറഞ്ഞു.
മണ്ഡലം പ്രസിഡണ്ട് റിയാസ് ഖാലിദ് അധ്യക്ഷത വഹിച്ചു.
മണ്ഡലം ഭാരവാഹികളായ
എം.കാജാ ഹുസൈൻ, കെ.സലാം, സൈനുദ്ദീൻ മാഷ് തുടങ്ങിയവർ നേതൃത്വം നൽകി.
