എസ് വൈ എസ് ചെർപ്പുളശ്ശേരി സോൺ സ്ട്രൈറ്റ് ലൈൻ ക്യാമ്പ് ഇന്ന്

ചെർപ്പുളശ്ശേരി/ എസ് വൈ എസ് ചെർപ്പുളശ്ശേരി സോൺ സ്ട്രൈറ്റ് ലൈൻ ക്യാമ്പിനു ഇന്ന്തുടക്കം
വെള്ളിയാഴ്ച വൈകീട്ട് മൂന്ന് മണിക്ക് സമസ്ത കേരള ജംഇയ്യത്തുൽ ഉലമ മുശാവറ മെമ്പറായിരുന്ന മർഹൂം എംടി മാനു മുസ്‌ലിയാരുടെ മഖ്ബറ സിയാറത്തോടെ ക്യാമ്പിനു തുടക്കമാകും. എസ് വൈ എസ് സോൺ പ്രസിഡന്റ് ഉമർസഖാഫി വീരമംഗലത്തിന്റെ അദ്ധ്യക്ഷതയിൽ എസ് എം എ സംസ്ഥാന ജനറൽസെക്രട്ടറി എംപി അബ്ദുറഹ്മാൻ ഫൈസി മാരായമംഗലം ക്യാമ്പ് ഉദ്ഘാടനം ചെയ്യും. മഅദിൻ മസാലിഹ് പ്രിൻസിപ്പാൾ ഹംസക്കോയ ബാഖവി കടലുണ്ടി, ബാപ്പു മുസ്‌ലിയാർ ചളവറ, കേരള മുസ്‌ലിം ജമാഅത്ത് ചെർപ്പുളശ്ശേരി സോൺ പ്രസിഡന്റ് കബീർ മുസ്‌ലിയാർ, സെക്രട്ടറി റഷീദ് സഖാഫി പട്ടിശ്ശേരി, എസ് എസ് എഫ് ജില്ലാ പ്രസിഡന്റ് റഫീഖ് സഖാഫി പാണ്ടമംഗലം, എസ് ജെ എം ജില്ലാ ഫിനാൻസ് സെക്രട്ടറി അലി സഖാഫി മടത്തിപ്പറമ്പ്, എസ് എം എ ജില്ലാ സെക്രട്ടറി സൈതലവി മോളൂർ എന്നിവർ പ്രസംഗിക്കും.