ഒലവക്കോടെത്താൻ മലമ്പുഴക്കാർ കഷ്ടപ്പെടുന്നു.

മലമ്പുഴ: രാവിലെ പതിനൊന്നു മണി കഴിഞ്ഞാൽ മലമ്പുഴയിൽ നിന്നും ഒലവക്കോട്ടേക്ക്ബസ്സ് കാത്തുനിന്നാൽ കിട്ടില്ല. ഒലവക്കോട് ബോർഡ് വെച്ചു വരുന്ന ബസ്സുകൾ കടുക്കാം കുന്നം മാട്ടൂ മന്ത വഴി നേരെ പാലക്കാട്ടേക്ക് പോവുകയാണ് ചെയ്യൂന്നത്. ഒലവക്കോട് എത്തണമെങ്കിൽ വിക്ടോറിയ കോളേജ് സ്റ്റോപ്പിലിറങ്ങി വേറെ ബസ്സ് മാറി കയറി പോകണം. യാത്രക്കാരന് സാമ്പത്തീകവും സമയവും നഷ്ടമാവുന്നു.അകത്തേത്തറ റെയിൽവേ മേൽപാലം പണി നടക്കുന്നതിനാൽ മലമ്പുഴയിൽ നിന്നും ഒലവക്കോട് വഴി പോകേണ്ടതായ ബസ്സുകൾ ചിത്ര ജങ്ങ്ഷൻ – എഞ്ചിനിയറിങ്ങ് കോളേജ് – ഉമ്മിണി-വഴി പോകണമെന്നാണ് നിർദ്ദേശമെങ്കിലും പല ബസ്സുകളും ഉച്ചയോടെ ആ വഴിക്കുള്ള പോക്ക് ഉപേക്ഷിക്കുകയാണെന്നും ആ സമയത്തുള്ള യാത്രക്കാരാണ് ഏറെ ബുദ്ധിമുട്ടുന്നതെന്നും യാത്രക്കാർ പറഞ്ഞു.എന്നാൽ നാലോ അഞ്ചോ യാത്രക്കാർ മാത്രമായിരിക്കും ഈ സമയങ്ങളിൽ ഒലവക്കോട് ഭാഗത്തേക്ക് പലപ്പോഴും ഉണ്ടാവുകയെന്നും ചുറ്റി വളഞ്ഞു പോകുമ്പോൾ ഇന്ധനനഷ്ടം കൂടുന്നതു കൊണ്ടാണ് ഈ സമയങ്ങളിൽ ഒലവക്കോട് യാത്ര ഒഴിവാക്കുന്നതെന്നും ബസ്സുകാർ പറയുന്നു.