ഇന്ധന വിലവര്ധനവിനെതിരെ സംസ്ഥാന വ്യാപകമായി ചക്രസ്തംഭന സമരം നടത്തി കോണ്ഗ്രസ് പ്രവര്ത്തകര്. എല്ലാ ജില്ല ആസ്ഥാനങ്ങളിലും ഡിസിസിയുടെ നേതൃത്വത്തിലാണ് ചക്രസ്തംഭന സമരം സംഘടിപ്പിച്ചത്.
ഇന്ധന വിലക്കയറ്റത്തിന് എതിരെയും കേരളം നികുതി കുറയ്ക്കണമെന്ന ആവശ്യം ഉയര്ത്തിയുമാണ് 15 മിനിറ്റ് വാഹനങ്ങള് നിര്ത്തിയിട്ട് കോണ്ഗ്രസ് പ്രതിഷേധം സംഘടിപ്പിച്ചത്.
ചക്രസ്തംഭന സമരത്തിനിടെ പാലക്കാട് സംഘര്ഷമുണ്ടായി. വി കെ ശ്രീകണ്ഠന് എംപിയും പൊലീസും തമ്മിലാണ് വാക്കേറ്റമുണ്ടായത്. പ്രകടനം സുല്ത്താന്പേട്ട ജംഗ്ഷന് എത്തുന്നതിന് മുമ്ബ് പ്രവര്ത്തകരെ പൊലീസ് തടഞ്ഞതാണ് വാക്കുതര്ക്കത്തിനും സംഘര്ഷത്തിനും കാരണമായത്. സമരസ്ഥലം മുന്കൂട്ടി അറിയിച്ചതാണെന്നും പൊലീസ് തന്നെ കയ്യേറ്റം ചെയ്തെന്നും എംപി പറഞ്ഞു.
