കനത്തമഴയെ ത്തുടർന്ന് വീടിന്റെ മേൽക്കൂര നിലംപതിച്ചു.
പല്ലശ്ശന:- പല്ലശ്ശനപഞ്ചായത്ത് പത്താം വാർഡ് ഒഴിവുപാറ,തെക്കുംപുറം മോഹനൻ്റെ വീടിന്റെ മേൽക്കൂര കഴിഞ്ഞദിവസങ്ങളിൽ തകർത്തു പെയ്ത മഴയെത്തുടർന്ന് നിലംപതിച്ചു. ഇന്നലെ പകൽ സംഭവസമയത്ത് ആരുംതന്നെ വീട്ടിലുണ്ടായിരുന്നില്ല. അതിനാൽ ആളപായമുണ്ടായില്ല. വാർഡ് മെമ്പർ സി. അംബുജാക്ഷനും, വില്ലേജ് അധികൃതരും മേൽക്കൂര തകർന്ന വീട് സന്ദർശിച്ചു. കൂലിവേല ചെയ്തു ജീവിക്കുന്ന മോഹനനും, ഭാര്യയും, രണ്ടു മക്കളുമടങ്ങിയതാണ് ഈ കുടുംബം.
