എസ് എസ് എഫ് ജില്ലാ കാമ്പസ് അസംബ്ലി പ്രഖ്യാപനം നാളെ (ശനി)

ഒറ്റപ്പാലം : കാമ്പസ് വിദ്യാർത്ഥികൾക്ക് വേണ്ടി എസ് എസ് എഫ് പാലക്കാട് ജില്ലാ സംഘടിപ്പിക്കുന്ന കാമ്പസ് അസ്സംബ്ലിയുടെ പ്രഖ്യാപനം നാളെ വൈകുന്നേരം 3 മണിക്ക് ഒറ്റപ്പാലം മർകസ് ഓറിയന്റൽ കോളേജ് കാമ്പസിൽ നടക്കും.
ജില്ലാ പ്രസിഡന്റ് റഫീഖ് കാമിൽ സഖാഫി പാണ്ടമംഗലം അധ്യക്ഷത വഹിക്കും. കാലിക്കറ്റ് യൂണിവേഴ്സിറ്റി പ്രൊഫസർ മുസ്തഫ കോങ്ങാട് ഉദ്ഘാടനം നിർവഹിക്കും. സംസ്ഥാന സെക്രട്ടറിയേറ്റ് അംഗം നൗഫൽ പാവുക്കോണം, സംസ്ഥാന സിന്റിക്കേറ്റ് അംഗം ഷമീൽ സഖാഫി പെെലിപ്പുറം, ജില്ലാ ജനറൽ സെക്രട്ടറി ഷഫീഖ് സഖാഫി മപ്പാട്ടുകര, ഹാഫിള് അബ്ബാസ് സഖാഫി ഒറ്റപ്പാലം, മുഹമ്മദ് നസീഫ് കുമരംപുത്തൂർ തുടങ്ങിയ ജില്ലാ ഭാരവാഹികളും ക്യാമ്പസ് സിന്റിക്കേറ്റ് അംഗങ്ങളും നേതൃത്വം നൽകും. ജില്ലയിലെ വിവിധ ക്യാമ്പസ് യൂണിറ്റുകളിൽ നിന്നും 12 ഡിവിഷനുകളിൽ നിന്നും തെരഞ്ഞെടുക്കപ്പെടുന്ന വിദ്യാർഥികൾ പ്രതിനിധികളായി പങ്കെടുക്കും.
ജില്ലാ ക്യാമ്പസ് അസംബ്ലിയുടെ ഭാഗമായി വിദ്യാർഥികളിൽ ധാർമിക മൂല്യങ്ങൾ വളർത്തി ഉത്തമ വിദ്യാർഥികളായി സാമൂഹ്യ ബാധ്യതകൾ നിറവേറ്റാൻ പര്യാപ്തരാക്കാനുതകുന്ന വ്യത്യസ്ഥ പദ്ധതികൾ നടപ്പിൽ വരുത്തും. ജില്ലാ കാമ്പസ് അസംബ്ലിക്ക് ശേഷം 2022 ജനുവരിയിൽ കേരള കാമ്പസ് അസംബ്ലി നടക്കും.