സിദ്ദിഖ് കാപ്പൻ
ഐക്യദാർഢ്യ
കൂട്ടായ്മ
പാലക്കാട്: യു.എ.പി.എ. ചുമത്തി യു. പി. പോലീസ് അറസ്റ്റ് ചെയ്ത സിദ്ദിഖ് കാപ്പന് മാധ്യ പ്രവർത്തകരുടെ കൂട്ടായ്മ ഐക്യദാർഢ്യം പ്രഖ്യാപിച്ചു. കേരള പത്രപ്രവർത്തക യൂണിയൻ ഡൽഹി ഘടകം ഭാരവാഹിയായ സിദ്ദിഖ് കാപ്പൻ അറസ്റ്റിലായിട്ടു ഒരു വർഷമായി. സിദ്ദിഖ് കാപ്പന്റെ മോചനത്തിന് വേണ്ടി യൂണിയനും മനുഷ്യാവകാശ സംഘടനകളും നടത്തുന്ന പ്രവർത്തനങ്ങൾക്ക് യോഗം ഐക്യദാർഢ്യം പ്രഖ്യാപിച്ചു.
പ്രസ് ക്ലബ്ബ് വൈസ് പ്രസിഡന്റ് സി. ജിഷ അധ്യക്ഷത വഹിച്ചു. മനുഷ്യാവകാശ പ്രവർത്തകൻ ബോബൻ മാട്ടുമന്ത മുഖ്യാതിഥിയായിരുന്നു. പ്രസ് ക്ലബ്ബ് സെക്രട്ടറി മധുസൂദനൻ കർത്താ, പത്രപ്രവർത്തക യൂണിയൻ സംസ്ഥാന സമിതിയംഗം ഷെറിൻ മുഹമ്മദ് എന്നിവർ പ്രസംഗിച്ചു.
