സേവന മികവിൽ കളിമുറ്റം ഒരുങ്ങുന്നു.
കോവിഡ് മഹാമാരിയിൽ അടച്ചിട്ട വിദ്യാലയങ്ങൾ തുറന്നു പ്രവർത്തിക്കാനുള്ള സർക്കാർ തീരുമാനത്തിന്റെ ഭാഗമായി ക്ലാസ്സ്മുറികളും വിദ്യാലയവും ശുചീകരിക്കുന്നതിന്റെ ഒന്നാംഘട്ടം ഗാന്ധി ജയന്തി ദിനത്തിൽ തുടക്കമായിപല്ലാവൂർ ഗവ: എൽ.പി.സ്കൂളിൽ നെന്മാറ ബ്ലോക്ക് പഞ്ചായത്ത് പ്രസിഡണ്ട് സി.ലീലാമണി ഉദ്ഘാടനം ചെയ്തു.
ഹെഡ്മിസ്ട്രസ്സ് ടി.ഇ. ഷൈമ അദ്ധ്യക്ഷത വഹിച്ചു. റിട്ട. ഹെഡ്മാസ്റ്റർ എ.ഹാറൂൺ, പിടിഎ ഭാരവാഹികളായ എം. ലക്ഷ്മണൻ , എസ്.ജയ, സമീന സ്റ്റാഫ് സെക്രട്ടറി ബി.ഗീത, എസ്.ആർ.ജി. കൺവീനർ എം.ടിന്റു , ഡി. പ്രിയസൂന, ശുചിത്വ സേന കൺവീനർ കെ.ഗിരിജ, എന്നിവർ സംസാരിച്ചു.
