ശുചീകരിച്ചു
പാലക്കാട്: സി.പി.എം സമ്മേളനങ്ങളുടെ പ്രചാരണത്തിന്റെ ഭാഗമായി വലിയങ്ങാടി ലോക്കൽ കമ്മിറ്റിയുടെ നേതൃത്വത്തിൽ തിരുനെല്ലായ് പുഴകടവ് ശുചീകരിച്ചു. വർഷങ്ങളായി കുളവാഴകളും, പുല്ലും വളർന്ന് കടവ് ഉപയോഗശൂന്യമായി കിടക്കുകയായിരുന്നു. ശുചീകരണ പ്രവൃത്തിയുടെ ഉദ്ഘാടനം പാലക്കാട് കോ- ഓപററ്റീവ്വ് അർബൻ ബാങ്ക് ചെയർമാൻ ടി.കെ. നൗഷാദ് നിർവഹിച്ചു. ഏരിയ കമ്മിറ്റി അംഗം കെ. കൃഷ്ണൻകുട്ടി, ലോക്കൽ സെക്രട്ടറി അബ്ദുൾ സുക്കൂർ, എൽ.സി മെമ്പർമാരായ എം. വിപിൻദാസ്, എൻ. ചന്ദ്രൻ, നഗരസഭാ അംഗം സെലീന ബീവി, രാജാമണി, ഹക്കീം എന്നിവർ നേതൃത്വം നൽകി.
