സർവ്വകലാശാല ചെയർമാന് കാക്കിക്കളസം കൊറിയറിൽ അയച്ച് കെ എസ് യു വിന്റെ പ്രതിഷേധം

 
 പാലക്കാട് : കണ്ണൂർ സർവ്വകലാശാല സിലബസിൽ സവർക്കറെയും ഗോൾവാൾക്കറിനെയും ഉൾപ്പെടുത്തിയതിനെ പിന്തുണച്ച് എസ്എഫ്ഐ നിലപാടിനെതിരെ കെഎസ്‌യു പാലക്കാട് ജില്ലാ കമ്മിറ്റിയുടെ നേതൃത്വത്തിൽ യൂണിയൻ ചെയർമാനും എസ്എഫ്ഐ ഭാരവാഹികൾക്കും കാക്കി കളസം അയച്ച് പ്രതിഷേധിച്ചു. യൂത്ത് കോൺഗ്രസ് സംസ്ഥാന സെക്രട്ടറി ഡോ സരിൻ ഉദ്ഘാടനം ചെയ്തു. കെഎസ്‌യു ജില്ലാ പ്രസിഡന്റ് കെ എസ് ജയഘോഷ് അധ്യക്ഷത വഹിച്ചു.കെ എസ് യു ജില്ലാ ഭാരവാഹികളായ ഗൗജ വിജയകുമാർ,അജാസ് കുഴൽമന്ദം,ശ്യാം ദേവദാസ്, നിയോജക മണ്ഡലം പ്രസിഡന്റുമാരായ നിഖിൽ കണ്ണാടി,പ്രിൻസ് ആനന്ദ്, ജിഷ്ണു,വിപിൻ വിജയൻ,അജയൻ എന്നിവർ നേതൃത്വം നൽകി.