യൂത്ത് കോണ്ഗ്രസ് സംസ്ഥാന കമ്മിറ്റിയില് ഷാഫി പറമ്പിലിനെതിരെ രൂക്ഷ വിമര്ശനം; ഷാഫി രാജിവെക്കണമെന്ന് നേതാക്കള്
യൂത്ത് കോണ്ഗ്രസ് സംസ്ഥാന കമ്മിറ്റി യോഗത്തില് പ്രസിഡന്റ് ഷാഫി പറമ്പിലിനെതിരെ രൂക്ഷ വിമര്ശനം. ഷാഫി യൂത്ത് കോണ്ഗ്രസ് ദേശീയ കമ്മിറ്റിയെ നിരന്തരം തെറ്റിദ്ധരിപ്പിക്കുകയാണെന്ന് നേതാക്കള് വിമര്ശനമുന്നയിച്ചു. ഈ കനത്ത തോല്വിയുടെ ഉത്തരവാദിത്തം ഏറ്റെടുത്ത് ഷാജി രാജിവെക്കണമെന്നും ആവശ്യമുയര്ന്നു.
സംസ്ഥാന കമ്മിറ്റിയില് യാതൊരു വിധ കൂടിയാലോചനകളും നടക്കുന്നില്ല. സംസ്ഥാന കമ്മിറ്റിയുടെ തീരുമാനം എന്ന പേരില് കെ.പി.സി.സി പ്രസിഡന്റിനേയും പ്രതിപക്ഷ നേതാവിനേയും മാറ്റുവാന് സംഘടന അറിയാതെ ഹൈക്കമാന്ഡിന് സ്വകാര്യമായി സന്ദേശം കൈമാറിയത് ഗുരുതരമായ തെറ്റാണ്. മലപ്പുറം ജില്ലയിലെ യൂത്ത് കോണ്ഗ്രസിന് ലഭിക്കേണ്ട സീറ്റ് പാലക്കാടുകാരനായ ചാരിറ്റിക്കാരന് നല്കിയത് പേയ്മെന്റ് വാങ്ങിയാണോ എന്നും നേതാക്കള് ചോദിച്ചു.