വാക്സിനേഷൻ: കർശ്ശന പരിശോധന വേണം -ഗാന്ധിദർശൻ വേദി

ഗ്രാമപഞ്ചായത്തുതലങ്ങളിൽ കോവിഡ് വാക്സിൻ വിതരണത്തിൽ അപാകതയുണ്ടെന്നും, 45 വയസ്സിന് മുകളിൽ ഉള്ളവർക്ക് ഒരു ഡോസ് പോലും ലഭിക്കാത്ത അർഹരായ നിരവധി പേർ ഉണ്ടായിരിക്കെ ക്രമം തെറ്റി വിവേചനാടിസ്ഥാനത്തിൽ വാക്സിനേഷൻ നല്കി വരുന്നത് കർശ്ശന പരിശോധനകൾക്ക് വിധേയമാക്കണമെന്നും കേരളാ പ്രദേശ് ഗാന്ധിദർശൻ വേദി ജില്ലാ കമ്മിറ്റി ഓൺലൈൻ യോഗം സർക്കാറിനോട് ആവശ്യപ്പെട്ടു. പരിശോധിക്കാൻ ഉത്തരവാദപ്പെട്ട ഉദ്യോഗസ്ഥരെ അകാരണമായി സ്ഥലം മാറ്റുന്നത് പരിശോധന നടക്കാതിരിക്കാൻ വേണ്ടിയാണെന്ന് യോഗം കുറ്റപ്പെടുത്തി. കേരളാ പ്രദേശ് ഗാന്ധിദർശൻ വേദി പാലക്കാട് ജില്ലാ ചെയർമാൻ പി.പി.വിജയകുമാർ അദ്ധ്യക്ഷത വഹിച്ചു. സംസ്ഥാന സെക്രട്ടറി പി.മോഹനകുമാരൻ, ജില്ലാ ജനറൽ സെക്രട്ടറി എ.ശിവരാമകൃഷ്ണൻ, കെ.വി. പുണ്യകുമാരി, എ.ഗോപിനാഥൻ, പി.പ്രീത, പ്രൊഫ: എം.ഉണ്ണികൃഷ്ണൻ, ആർ.ശിവദാസ്, ടി.എൻ.ചന്ദ്രൻ, കെ.അജിത, എസ്.നന്ദകിഷോർ, പി.സി.കുഞ്ഞിരാമൻ, കെ.എം.സജീവൻ, ദേവിക എന്നിവർ പ്രസംഗിച്ചു.