എസ് ഡി പി ഐ പാറ എലപ്പുള്ളി പഞ്ചായത്ത് കമ്മിറ്റി സെക്രട്ടറി സക്കീറിനെ ആർ എസ് എസ് ക്രിമിനൽ സംഘം ഗുരുതരമായി വെട്ടി പരിക്കേല്പിച്ചിരിക്കുന്നു. സക്കീറിനെ കോയമ്പത്തൂലെ സ്വകാര്യ ആശുപത്രിയിൽ അഡ്മിറ്റ് ചെയ്തിരിക്കുകയാണ്. യാതൊരു പ്രകോപനവും ഇല്ലാതെ ആർ എസ് എസ് ഗൂഢാലോചന പ്രകാരം നടന്ന ഈ ആക്രമണം നാട്ടിലെ സമാധാനാന്തരീക്ഷം തകർക്കാനുള്ള ആസൂത്രിത ശ്രമത്തിന്റെ ഭാഗമാണ്. വർഷങ്ങളായി എലപ്പുള്ളി പ്രദേശത്ത് ആർ എസ് എസ് കലാപത്തിന് കോപ്പുകൂട്ടികൊണ്ടിരിക്കുകയാണ്. രണ്ട് വർഷങ്ങൾക്ക് മുമ്പാണ് ആർ എസ് എസ് നേതൃത്വത്തിൽ മുസ്ലിം സമുദായത്തെ ലക്ഷ്യം വെച്ചുകൊണ്ട് പ്രദേശത്ത് വ്യാപക ആക്രമണം നടത്തിയത്. പോലീസിന്റെ ഭാഗത്ത് നിന്നും ഉണ്ടാകുന്ന നിഷ്ക്രിയത്വം സംഘപരിവാറിന് അഴിഞ്ഞാടാനുള്ള അവസരം ഉണ്ടാവുകയാണ് ചെയ്യുന്നത്. നാട്ടിലെ സമാധാനാന്തരീക്ഷം തകർക്കാനുള്ള ആർ എസ് എസ് ശ്രമത്തിനെതിരെ പൊതു സമൂഹം ജാഗ്രത പാലിക്കണം.
ആർ എസ് എസ് ഭീകരർ എസ് ഡി പി ഐ നേതാവ് സക്കീറിനെതിരെ നടത്തിയ വധശ്രമത്തിനെതിരെ ശക്തമായ നടപടി സ്വീകരിക്കാൻ ബന്ധപ്പെട്ട പോലീസ് അധികാരികൾ തയ്യാറാവണം. ആർ എസ് എസ് നാരാധമന്മാരുടെ ഈ അക്രമത്തിനെതിരെ നാളെ ജില്ലയിൽ ഉടനീളം പ്രതിഷേധ പ്രകടനങ്ങൾ സംഘടിപ്പിക്കാൻ പാർട്ടിയുടെ ജില്ലാ സെക്രട്ടേറിയറ്റ് തീരുമാനിച്ചിട്ടുണ്ട്.
