വിവരവകാശ നിയമത്തെ ദുർബലപ്പെടുത്തരുത് – ആർ. ടി. ഐ. കേരള ഫെഡറേഷൻ
വിവരവകാശ നിയമപ്രകാരം നിയമനുസൃത ബാധ്യതയായ വിവരം നൽകിയ പബ്ലിക്ക് ഇൻഫർമേഷൻ ഓഫീസാറായ ഉദ്യോഗസ്ഥക്കെതിരെ ഉന്നത ഉദ്യോഗസ്ഥർ ശത്രുതാപരമായ സമീപനം കൈക്കൊള്ളൂകയും അവർക്ക് മുൻപ് നൽകിയ ഗുഡ് സർവ്വിസ് എൻട്രി റദ്ധാക്കിയതായുള്ള വാർത്ത ജനപക്ഷ നിയമങ്ങളെ സ്നേഹിക്കുന്ന എല്ലാവരെയും ആശങ്കപ്പെടുത്തുന്നതായും വിവരം നൽകാൻ ബാധ്യതപ്പെട്ട ഉദ്യോഗസ്ഥരുടെ മനോവീര്യം തകർത്ത് വിവരവകാശ നിയമത്തെ ദുർബലപ്പെടുത്തുന്ന ജനവിരുദ്ധ നിലപാടുകൾ അവസാനിപ്പിക്കുവാൻ അധികാരികൾ തയ്യാറാകണമെന്നും ആർ. ടി. ഐ. കേരള ഫെഡറേഷൻ സംസ്ഥാന കമ്മിറ്റി ആവശ്യപ്പെട്ടു. എറണാകുളം ജില്ലാ കൺസ്യുമാർ കമ്മീഷൻ പ്രസിഡന്റായി നിയമിതനാ യതിനെ തുടർന്ന് സംസ്ഥാന പ്രസിഡന്റ് അഡ്വ. ഡി. ബി. ബിനു രാജിവച്ച ഒഴിവിൽ വൈസ് – പ്രസിഡന്റ് ശശികുമാർ മാവേലിക്കരയെ പ്രസിഡന്റായി തെരഞ്ഞെടുത്തു. ഒക്ടോബർ 14,15 തീയതികളിൽ സംസ്ഥാന സമ്മേളനം നടത്തുന്നതിന് തീരുമാനിച്ചു.
ശശികുമാർ മാവേലിക്കരയുടെ ആദ്യക്ഷതയിൽകൂടിയ യോഗത്തിൽ ജനറൽ സെക്രട്ടറി അഡ്വ. എ. ജയകുമാർ റിപ്പോർട്ട് അവതരിപ്പിച്ചു. രക്ഷധികാരി കെ. എൻ. കെ. നമ്പൂതിരി,ട്രഷ്റർ കെ. എ. ഇല്ല്യാസ് സെക്രട്ടറിമാരായ ജോളി പവേലിൽ, പദ്മൻ കോഴൂർ എന്നിവർ സംസാരിച്ചു