നെല്ലിയാന്പതിയുടെ പ്രവേശന കവാടമായ പോത്തുണ്ടിയിൽ വനംവന്യജീവി വകുപ്പ് ചെക്ക് പോസ്റ്റ് നോടനുബന്ധിച്ച് എക്സൈസ് പോലീസ് വിഭാഗങ്ങളെയും കൂടി ഉൾപ്പെടുത്തി സംയോജിത ചെക്ക്പോസ്റ്റ് വരുന്നു. സംയോജിത ചെക്ക്പോസ്റ്റ് കെട്ടിടനിർമ്മാണം നാളെ രണ്ടുമണിക്ക് വനം വന്യജീവി വകുപ്പ് മന്ത്രി എ.കെ.ശശീന്ദ്രൻ ഓണ്ലൈനിൽ ഉദ്ഘാടനം ചെയ്യും. എംപി രമ്യ ഹരിദാസ്, എംഎൽഎ കെ.ബാബു, മറ്റു ജനപ്രതിനിധികൾ, ഉദ്യോഗസ്ഥർ തുടങ്ങിയവർ കോവിഡ് മാനദണ്ഡം പാലിച്ച് നെന്മാറ വനം ഡിവിഷൻ ഓഫീസിലെ എൻ.ആർ നായർ ഹാളിൽ നടത്തുന്ന ഓണ്ലൈൻ പരിപാടിയിൽ പങ്കെടുക്കും.