നെന്മാറ: ഗ്രാമപഞ്ചായത്തിൻ്റേയും, നെന്മാറ കുടുംബക്ഷേമ കേന്ദ്രത്തിൻ്റേയും സംയുക്താഭിമുഖ്യത്തിൽ ( 03-07-2021 ന് ) ശനിയാഴ്ച കാലത്ത് 9.30 മണിമുതൽ നെല്ലിപ്പാടം വാർഡ് 9ൽ നെടുങ്ങോട് എഴുത്തച്ഛൻ സമുദായ ഹാളിൽ വെച്ച് നടന്ന സൗജന്യ കോവിഡ് ആൻ്റിജൻടെസ്റ്റിൽ 159 ആളുകൾ ആൻ്റിജൻടെസ്റ്റിന് വിധേയരായി. വാർഡ് 9ൽ ആർക്കും തന്നെ കോവിഡ് പോസിറ്റീവ് ഉണ്ടായിരുന്നില്ല. പത്താം വാർഡിൽ നിന്നും വന്ന ഒരാൾക്കും, പതിനൊന്നാം വാർഡിൽ നിന്നും വന്ന ഒരാൾക്കും, പതിമൂന്നാം വാർഡിൽ നിന്നും വന്ന രണ്ടു പേർക്കും, പതിനഞ്ചാം വാർഡിൽ നിന്നും വന്ന ഒരാൾക്കും കോവിഡ് പോസിറ്റീവ് സ്ഥിരീകരിച്ചു.(ആകെ 5പേർ) കോവിഡ് പോസിറ്റിവിറ്റി കുറയ്ക്കുവാൻ സഹകരിച്ച് ആൻ്റിജൻടെസ്റ്റിൽ പങ്കെടുത്ത എല്ലാവരോടും സംഘാടകർ നന്ദി അറിയിച്ചു.
